kahan ab vo piine pilane ki baten
vo saaqi nahin hai vo mahfil nahin hai
hain daman ke TukḌe mire paanv men ab
mujhe ehtiyaj-e-salasil nahin hai
ye chehra tira saaf jitna hai kafir
tira saaf utna magar dil nahin hai
bhula de mujhe laakh tu apne dil se
magar mera dil tujh se ghafil nahin hai
shanasa huun tera main roz-e-azal se
koi darmiyan parda haa.il nahin hai
samajhna mohabbat ko mushkil hai ‘jauhar’
samajh le jo koi to mushkil nahin hai
Leave a Reply