Sufi
shaikh-ji tashrif yuun bahr-e-ziyarat le chale
lab pe tauba un buton ki dil men ulfat le chale
laae the mulk-e-adam se saath apne naqd-e-dil
ab yahan se us ke badle dagh-e-furqat le chale
zoaf kaafi hai mujhe sahra-navardi men junun
kaun apne sar se bar-e-tab-o-taqat le chale
din-o-iman nazr de ke mahfil-e-janan se ham
dil ke dil hi men rahe arman ye hasrat le chale
qatl kuchh ashiq hue maqtal men us ke haath se
kuchh phire mayus aur shauq-e-shahadat le chale
kuchh maza tanhai men sahra-navardi ka nahin
haan chalun gar saath apne josh-e-vahshat le chale
nikla mai-khana se jab ‘aughat’ to puchha ‘shah-ji’
ye baghal men kya dabae aap hazrat le chale
Leave a Reply