chhup ke ghairon se dil men aa jaana
ai sanam rukh mujhe dikha jaana
bar-sar-e-rah hai miri turbat
haath bahr-e-dua utha jaana
dil men rahta hai us ke naqsh-e-sanam
shaikh ko ham ne parsa jaana
ghair mumkin hai dakhl-e-ghair is men
dil ko jab khana-e-khuda jaana
ai madad-gar jinn-o-insan ke
bigdiyon ko miri bana jaana
is se afzun sitam nahin koi
qatl-e-ashiq ko tum ne kya jaana
kya bataun tujhe ‘jamila’ main
afat-e-jan hai dil ka aa jaana
Leave a Reply