ye aarzu thi use aa.ina banate ham
aur a.ine ki hifazat men TuuT jaate ham
tamam umr bhaTakte rahe ye kahte hue
ki ghar banate sajate use bulate ham
har aadmi vahan masruf qahqahon men tha
ye ansuon ki kahani kise sunate ham
bigaḌe baiThe the taqdir apne hathon se
hatheliyon ki lakiren kise dikhate ham
ḳhuda ne itna karam aur kar diya hota
ki jis ne zaḳhm diye us ko bhuul jaate ham
kuchh is sabab se bhi ye zaḳhm la-dava Thahre
har ek shaḳhs ka ehsan nahin uThate ham
tu apne gham se hi ḳhali kahan hai ai ‘tariq’
jo tere paas kabhi aa ke baiTh jaate ham
Leave a Reply