dhire dhire qabr ke andar talak pahuncha.egi
ek din mujh ko miri ye hasraten kha ja.engi
bol collar chhoḌ den mere charaghon ki ai raat
varna jo pagal hava.en hain tiri pachhta.engi
aao apne mas.alon ko ḳhud hi suljhate hain ham
ye siyasi parTiyan aur hamen uljha.engi
beTiyon ko saans lene do khule mahaul men
varna ye bechariyan ghuT ghuT ke hi mar ja.engi
zindagani se hain jo shikve gile miT ja.enge
rahmaten allah ki jab nuur se nahla.engi
apni ḳhuddari ko bhi nilam main ne kar diya
mujh se ye majburiyan ab aur kya karva.engi
Leave a Reply