jo mere pyaar meñ uljhā huā dikhā.ī de
ḳhudā kabhī na mirī qaid se rihā.ī de
mirī bahū ko jo koī bhī muñh-dikhā.ī de
to saath naqd ke zevar koī tilā.ī de
ajiib shaḳhs se paalā paḌā hai ai bhābī
maiñ kuchh kahūñ to use kuchh kā kuchh sunā.ī de
vo chheḌā kartī hai mardoñ ko raah chalte meñ
ḳhudā kisī ko na is darja be-hayā.ī de
duā ye apnī paḌosan ko aaj dī maiñ ne
ki in kī shakl kā allāh tujh ko bhaa.ī de
mirī ġhazal ko kisī roz tape kar lenā
maiñ chup rahūñ bhī to naġhma mirā sunā.ī de