taskin-e-dil ko ashk-e-alam kya baha.un main
jo aag ḳhud laga.i hai kyun-kar bujha.un main
barbad kar chuke vo main barbad ho chuka
ab kya raha hai ro.uun aur un ko rula.un main
lachuk, nasim-e-sub.h, payam-e-visal-e-dost
kab tak misal-e-sham.a rag-e-jan jala.un main
ai ishq kya yahi hai makafat-e-arzu
apni hi ḳhaak haath se apne uḌa.un main
roya yunhi jo hijr men shab bhar to kya ajab
taare ki tarah vaqt-e-sahar Duub ja.un main
Leave a Reply