poet

Qismat Mein Khushi Jitni Thi Hui Aur Gham Bhi Hai Jitna Hona Hai

qismat men khushi jitni thi hui aur gham bhi hai jitna hona hai

ghar phunk tamasha dekh chuke ab jangal jangal rona hai

hasti ke bhayanak nazzare saath apne chale hain duniya se

ye khvab-e-pareshan aur ham ko ta-subh-e-qayamat sona hai

dam hai ki hai ukhda ukhda sa aur vo bhi nahin aa chukte hain

qismat men ho marna ya jiina ab ho bhi chuke jo hona hai

dil hi to hai akhir bhar aaya tum chin-ba-jabin kyuun hote ho

ham tum ko bhala kuchh kahte hain taqdir ka apni rona hai

gham kaahe ka yaaro matam kya badloge nizam-e-alam kya

marna tha ‘raza’ ko marta hai ye kaahe ka rona dhona hai

More Poems

Leave a Comment