Kiya Hai Maine Taaqub Wo Subh-O-Sham Apna

kiya hai main ne ta.aqub vo sub.h-o-sham apna

main dasht dasht pukara kiya huun naam apna

main tujh ko bhuul na pa.un yahi saza hai miri

main apne-ap se leta huun intiqam apna

ye nisbaten kabhi zaati kabhi sifati hain

har ek shakl men lazim hai ehtiram apna

isi talash men pahuncha huun ishq tak tere

ki is havale se pa ja.un main davam apna

na jaane ḳhud se hai ye guftugu ki tujh se hai

na jaane kis se muḳhatab hai ye kalam apna

Leave a Comment