Shahryar
shikva koi dariya ki ravani se nahin hai
rishta hi miri pyaas ka paani se nahin hai
kal yuun tha ki ye qaid-e-zamani se the bezar
fursat jinhen ab sair-e-makani se nahin hai
chaha to yaqin aa.e na sachcha.i pe us ki
ḳha.if koi gul ahd-e-ḳhizani se nahin hai
dohrata nahin main bhi ga.e logon ki baten
is daur ko nisbat bhi kahani se nahin hai
kahte hain mire haq men suḳhan-fahm bas itna
sheron men jo ḳhubi hai muani se nahin hai
Leave a Reply