Wo Jo Aankhon Mein Chhup Ke baiTha Hai

vo jo āñkhoñ meñ chhup ke baiThā hai

aise lagtā hai mere jaisā hai

rāste meñ rukāvaTeñ kaisī

maiñ ne ye pāniyoñ se sīkhā hai

vo jo phir lauT kar nahīñ aayā

mere pallū meñ us kā va.ada hai

aadhā chhuptā hai aadhā dikhtā hai

chāñd bilkul tumhāre jaisā hai

ḳhud na martā na marne detā hai

pyaar kitnā hasīn jazba hai

merī āñkheñ ‘samīna’ raushan haiñ

vo mire ḳhvāb meñ jo aayā hai

Leave a Comment