husn hai mohabbat hai mausam-e-baharan hai
ka.enat raqsan hai zindagi ghazal-ḳhvan hai
ishraton ke mutalashi gham se kyuun gurezan hai
tirgi ke parde men raushni ka saman hai
giit hain javani hai abr hai baharen hain
muztarib idhar main huun tu udhar pareshan hai
dhuup ho ki barish ho tu hai monis-o-hamdam
mujh pe ye tira ehsan ai gham-e-faravan hai
rind buḳhl-e-saqi par kis qadar the kal barham
mai-kada hai aaj apna aur tang daman hai
uf do-rangi-e-duniya uf tazad ka aalam
kufr ke ujale hain tirgi-e-iman hai
be-naqab dekha tha ḳhvab men unhen ik shab
aaj tak nigahon men ai ‘ziya’ charaghan hai
Leave a Reply