banda-e-ishq huun juz yaar mujhe kaam nahin
khvahish-e-nang nahin kuchh havas-e-nam nahin
mazhab-e-ishq ka ye dhang nirala dekha
kuchh vahan tazkira-e-kufr aur islam nahin
ishq ko janta huun din-o-iman apna
ghair maashuq parasti mujhe kuchh kaam nahin
kaba-e-jan hai mira kucha-e-janan yaaro
sajda-e-dair-o-haram se mujhe kuchh kaam nahin
said-e-murgh-e-dil-e-ashiq liye ai dilbar
khaal hai daana aur ye zulf kam az daam nahin
dard-e-dil ne hamen kya kya hai chakhai lazzat
is liye dil ko mire khvahish-e-aram nahin
mazhab-e-ishq men aa kar ke hamin ai ‘asim’
shaah khadim ke siva aur se kuchh kaam nahin
Leave a Reply