ahmad-javed

Duniya Se Tan Ko Dhanp Qayamat Se Jaan Ko

duniya se tan ko Dhanp qayamat se jaan ko

do chadaren bahut hain tiri an-ban ko

ik main hi rah gaya huun kiye sar ko bar-e-dosh

kya puchhte ho bhaai mire khandan ko

jis din se apne chak-e-gareban ka shor hai

taale laga gae hain rafugar dukan ko

filhal dil pe dil to liye ja rahe ho tum

aur jo hisab bhuul gaya kal-kalan ko

dil men se chun ke ham bhi koi ghuncha ai nasim

bhejenge tere haath kabhi gulsitan ko

mashghul hain safai-o-tausi-e-dil men ham

tangi na is makan men ho mehman ko

More Poems

Leave a Comment