mirza-raza-barq

Jab Ayan Subh Ko Wo Nur-E-Mujassam Ho Jae

jab ayaan subh ko vo nur-e-mujassam ho jaae

gauhar-e-shabnam-e-gul nayyar-e-azam ho jaae

marsiya ho mujhe gaana jo sunun furqat men

be-tere bazm-e-ghina majlis-e-matam ho jaae

dekh kar tul-e-shab-e-hijr dua karta huun

vasl ke roz se bhi umr miri kam ho jaae

dekh kar phulon ko angaron pe lotun ai gul

be-tere gulshan-e-firdaus jahannam ho jaae

kam nahin milk-e-suleman se visal-e-saqi

gardish-e-jam mujhe halqa-e-khatam ho jaae

More Poems

Leave a Comment