yaron ḳhuda ye dekh ke hairan ho gaya
insan jise banaya tha haivan ho gaya
bheja tha is ko amn ki ḳhatir jahan men
kaise ḳhilaf amn ke insan ho gaya
shaitan ka bhi sharm se dekho jhuka hai sar
insan ḳhud hi aaj to shaitan ho gaya
chinta men beTiyon ki har ik baap hai yahan
ab kya bata.un main to pareshan ho gaya
Dhaa.e yahan pe gandi siyasat ne vo sitam
lagta hai jaise maut ka saman ho gaya
Leave a Reply