Zid Na Kar Mat Samay Milan Ka ujaD

zid na kar mat samay milan kā ujaaḌ

priit kā rog tujh ko degā pachhāḌ

baiTh kar ghar meñ likh na.e ash.ār

jā ke saḌkoñ pe laḌkiyoñ ko na taaḌ

ishq aur vasl do ruḳh ik tasvīr

raa.ī ko to samajh rahī hai pahāḌ

dekh ab kitne shādmāñ haiñ ye log

Daal kar mujh meñ aur tujh meñ bigāḌ

ras kī har lahr ke ajab mausam

dhuup ke poh chāñdnī ke asāḌh

kab talak us kī dhun meñ ghūmegā

boot kī To pe chipkī gard ko jhaaḌ

Dhaltī raat intizār ik parchhā.īñ

sabza bañgla siyah gulāb kī baaḌ

Leave a Comment