Agha Shayar Qazalbash
maskan vahin kahin hai vahin ashiyan kahin
do aade sidhe rakh liye tinke jahan kahin
phulon ki sej phulon ki hain baddhiyan kahin
kanton pe ham tadapte hain o asman kahin
jaate kidhar ho tum saf-e-mehshar men khair hai
daman na ho khuda ke liye dhajjiyan kahin
pahra bitha diya hai ye qaid-e-hayat ne
saaya bhi saath saath hai jaun jahan kahin
bas mujh ko daad mil gai mehnat vasul hai
sun le ghazal ye bulbul-e-hindustan kahin
‘shair’ vo aaj phir vahin jaate hue mile
dushman ke sar pe tuut pade asman kahin
Leave a Reply