vo kahte the ki dekho chintiyon ke par nikal aa.e
bas itni baat thi ham chhoḌ apna ghar nikal aa.e
hamare shahar men sar ki hifazat mas.ala Thahra
kise malum hai kis samt se patthar nikal aa.e
kisi avaz ne avaz di ḳhamoshiyan TuTin
jahan thiin sirf divaren vahan par dar nikal aa.e
miri fihrist se ek naam bhi ḳharij nahin hota
na jaane kaun kin halat men behtar nikal aa.e
‘musavvir’ log kuchh bahar ke andar jam ke baiThe hain
jinhen andar hi rahna tha vo bas bahar nikal aa.e
Leave a Reply