Abbas Dana
ye baat sach hai ki tera makan uncha hai
tu ye na soch tira khandan uncha hai
kamal kuchh bhi nahin aur shohraton ki talab
sambhal ke tiir chalana nishan uncha hai
kahin azaab na ban jaae us ka saaya bhi
sutun tuute hue saeban uncha hai
mujhe yaqin hai tu shart haar jaega
ki dastaras se tiri asman uncha hai
vo qatilon ko chhuda laega adalat se
hai us ki baat mudallal bayan uncha hai
qubul karta nahin ye dilon ke rishton ko
samaj tere mire darmiyan uncha hai
isi ghurur men ‘dana’ saron se chhat bhi gai
tire makan se mera makan uncha hai
Leave a Reply