jo mujhe bhula denge main unhen bhula dunga
sab ghurur un ka main khaak men mila dunga
dekhta huun sab shaklen sun raha huun sab baten
sab hisab un ka main ek din chuka dunga
raushni dikha dunga in andher-nagron men
ik hava ziyaon ki char-su chala dunga
be-misal qariyon ke be-kanar baghon ke
apne khvab logon ke khvab men dikha dunga
main ‘munir’ jaunga ek din use milne
us ke dar pe ja ke main ek din sada dunga
Leave a Reply