safar men mushkilen aa.en to jur.at aur baḌhti hai
koi jab rasta roke to himmat aur baḌhti hai
bujhane ko hava ke saath gar barish bhi aa jaa.e
charagh-e-be-haqiqat ki haqiqat aur baḌhti hai
miri kamzoriyon par jab koi tanqid karta hai
vo dushman kyuun na ho us se mohabbat aur baḌhti hai
zarurat men azizon ki agar kuchh kaam aa jaao
raqam bhi Duub jaati hai adavat aur baḌhti hai
agar bikne pe aa jaao to ghaT jaate hain daam aksar
na bikne ka irada ho to qimat aur baḌhti hai
Leave a Reply