Aise KHud Par Yahan KHudai Ki

Sameena Gul

aise ḳhud par yahan ḳhuda.i ki

dil ki dekhi na hi suna.i ki

be-qarari si dil ko hone lagi

jaane kis ne kahan rasa.i ki

vo hi sad-rang hai jazira-numa

mere ḳhvabon ki kyuun riha.i ki

tohmaten dusron pe dharte hain

baat karte hain parsa.i ki

meri ankhon ke jal paḌe the diye

ansuon ne yuun jag-hansa.i ki

aaj daman men phuul Daale the

jaise gulshan ki phir gada.i ki