Phir to Sab Hamdard Bahut Afsos Ke Sath Ye Kahte The

phir to sab hamdard bahut afsos ke saath ye kahte the

ḳhud hi laḌe bhanvar se kyuun zahmat ki ham jo baiThe the

dilon ke ilmon se vo ujala tha har chehra kaala tha

yuun to kisi ne apne bhed kisi ko nahin bata.e the

mathe jab sajdon se uThe to safon safon jo farishte the

sab is shahr ke the aur ham in sab ke janne vaale the

ahl-e-huzur ki baat na puchho kabhi kabhi un ke din bhi

soz-e-safa ki ik safravi uktahaT men kaTte the

qalinon par baiTh ke azmat vaale sog men jab ro.e

dimak lage zamir is izzat-e-gham par kya itra.e the

jin ki jiibh ke kunDal men tha nish-e-aqrab ka paivand

likkha hai un bad-suḳhanon ki qaum pe azhdar barse the

jin ke lahu se nikhar rahi hain ye sarsabz hameshgiyan

azlon se vo sadiq jazbon tayyab rizqon vaale the