Kalisa Ya Haram Mein Aur Na Viranon Mein Milta Hai

Shayar Jamali

kalisa ya haram men aur na viranon men milta hai

jo sachcha aadmi hai sirf mai-ḳhanon men milta hai

para.i aag men jalna nahin asan ḳhirad-mando

ye jazba to faqat ham jaise divanon men milta hai

ye be-mazi naya ghar mas.alon ka ek jangal hai

sukun-e-dil to bas bosida dalanon men milta hai

koi chehra mukammal hi nahin tasvir kya khinchen

hamare daur ka insan ka.i ḳhanon men milta hai

koi gungi kitabon se kahan tak ji ko bahla.e

suna hai guftugu ka lutf chaTTanon men milta hai