ham is jahan men aae to saath laae din
kisi ke maut ke jiine ke sab manae din
ḳhushi ka din to baḌi minnaton se banta hai
udasiyon ke magar hain bane-banae din
hue hain aankh se ojhal kabhi jo apne the
hamari god men palte hain kuchh parae din
ye shor-o-ghul ye Thahake ta qahqahon ka hujum
baḌe jatan kiye phir ham ne chup karae din
jab us ka raat ka nashsha utarne vaala tha
ghamon ko ghol ke ham ne use pilae din
na is men chand na hi jagmagate taare hain
koi sitara-sifat aa ke ab sajae din
main us ke saath andheron ki sair par nikli
vo mere saath raha aur mujhe dikhae din
Leave a Reply