Mera Saya Bhi Agar Bab-E-Tarab Tak Aaya

merā saaya bhī agar bāb-e-tarab tak aayā

kahnā badnām-e-zamāna thā nasab tak aayā

dhund hī dhund thī har samt phir ik samt se maiñ

sāmne dikhtā huā apne aqab tak aayā

bad-nasībī meñ yahī baat burī hai yahī baat

koī bhī zahr nahīñ merī talab tak aayā

haath aa.ī huī ik mauj-e-fanā phail ga.ī

jab koī jhoñkā tire jān-ba-lab tak aayā

sharm se bhīgī huī poroñ meñ aTkā huā jhuuT

kabhī peshānī tak aayā kabhī lab tak aayā

Leave a Comment