Khan Janbaz
ye zaruri to nahin saath men lashkar nikle
karbala yaad karo sirf bahattar nikle
girte girte hi sahi dauḌ ke aksar nikle
gard ankhon men liye jab bhi safar par nikle
surḳh dil dekh ke hathon men uThane vaale
phir na kahna jo tire haath se patthar nikle
sochta huun vo chamakta ho sitaron jaisa
chahta huun vo miri soch se baḌh kar nikle
kyon na main sher kahun atish-e-gham men janan
kyon na dil ka ye dhuan jism se bahar nikle
Leave a Reply