Aftab Iqbal Shamim
main apne vaste rasta naya nikalta huun
dalil-e-sher men thoda sa kashf dalta huun
bahut sataya hua huun laiim duniya ka
sakhi huun dil ki purani khalish nikalta huun
zamana kya hai kabhi man ki mauj men aauun
to nok-e-naqsh pe apni use uchhalta huun
ye mera kunj-e-makan mera qasr-e-ali hai
main apna sikka-e-raej yahin pe dhalta huun
miri ghazal men zan-o-mard jaise baham hon
ise jalalta huun phir ise jamalta huun
zara padhen to miri ikhtiyar men na rahen
ye naunihal jinhen mushkilon se palta huun
Leave a Reply