Ishq Se Ki Ye dil-E-Khaali Ne Bhar Jaane Mein dhum

Poet

ishq se ki ye dil-e-khali ne bhar jaane men dhuum

daale jyuun kam-zarf mai ke ek do paimane men dhuum

shor tab basti men tha atfal ke pathrav ka

ab divane dil ne daala ja ke virane men dhuum

dil siyah-mast-e-junun hai jab se yuun daala hai shor

jiyun ho fil-e-mast ki zanjir khul jaane men dhuum

dil men yuun aati hai teri yaad ai yar-e-aziz

misr men jyuun hazrat-e-yusuf ki thi aane men dhuum

kam numa rahta hai tu ham se hilal-e-id sa

jach gai dil men tiri abru nazar aane men dhuum

‘ishq’ ke daghon ne ki hai dil ke gulshan men bahar

hogi kya laala ki yaan tashrif farmane men dhuum