Ishrat Moin Seemaa
agar ro.uun to meri aankh aksar nam nahin hoti
agar hansne lagun phir bhi udasi kam nahin hoti
kabhi yaden mahakti hain sitare raqs karte hain
shab-e-hijran hamesha hi dali-e-gham nahin hoti
main dekhungi zara fursat se apne aks-e-ḳhaki ko
abhi teri ziya hi aankh men hamdam nahin hoti
baḌi lambi masafat hai hadis-e-dil hai ik misra
azizo sha.iri hargiz kabhi yak dam nahin hoti
bhala kaise samajhti ishq men jaan se guzarne ko
tiri chahat men jo dar-pesh rah-e-ḳham nahin hoti
pukarun to chale aana pakaḌ kar yaad ki Dori
mohabbat men to majburi mire hamdam nahin hoti
ye dil ab rakh diya hai vaqt ki Thokar pe ai ‘sima’
ki is kambaḳht dil ki aarzu hi kam nahin hoti
Leave a Reply