Syed Mohammad Askari Arif
gham-ha-e-rozgar se fursat nahin mujhe
main kaise kah duun tum se mohabbat nahin mujhe
apno ki sazishon se hi masruf-e-jang huun
ghairon se dushmani ki zarurat nahin mujhe
dil men abhi chubhe hain vo alfaz tiir se
tu ne kaha tha jab tiri chahat nahin mujhe
pinhan hain kunj-e-dil men ka.i dard-e-la-dava
be-vaj.h muskurane ki aadat nahin mujhe
saughat-e-zaḳhm-e-dil to muqaddar ki baat hai
ai yaar tujh se koi shikayat nahin mujhe
tanha.iyon se mujh ko rifaqat si ho ga.i
‘arif’ siyah shab se bhi vahshat nahin mujhe
Leave a Reply