Nazish Partap Gadhi
zikr-e-nashat ḳhalvat-e-gham men bura lage
tum bhi agar milo to mujhe hadisa lage
jab bhi kisi ki sa.i-e-karam ki hava lage
mujh ko mira vajud bikharta hua lage
huun mujrim-e-hayat mujhe kyuun bura lage
ye daur-e-zindagi jo musalsal saza lage
is daur ka nasib hai vo manzil-e-hayat
ahbab ka ḳhulus jahan saneha lage
halat saans lete hain dahshat ki chhanv men
mera zamir mujh hi se Darta hua lage
yuun uTh ga.i hai dahr se apna.iyat ki ab
miliye jo ḳhud se bhi to koi dusra lage
is tarah ra.egan ga.i ‘nazish’ miri vafa
jaise kisi faqir ke dar par sada lage
Leave a Reply