dinon men din the shabon men shaben paḌi hui thiin
sabhi kahaniyan ik taaq men paḌi hui thiin
azaan gunji to mehrab men koi bhi na tha
bas ek rehl pe kuchh ayaten paḌi hui thiin
suna.i deta hai ab bhi muqaddas aag ke gird
vo lahn jis men ka.i hairaten paḌi hui thiin
mujhe navaza to peshani par likha us ne
vo naam jis men sabhi nisbaten paḌi hui thiin
charagh aundhe paḌe the zamin par saare
aur un ke paas men un ki laven paḌi hui thiin
na barg-o-bar hi laa.e na sa.eban hue ‘turk’
hamari shaḳhon pe kaisi girhen paḌi hui thiin
Leave a Reply