Khaleel Tanveer
bahut fasad chhupa tha lahu ki gardish men
bikhar ke ḳhaak hue ik zara si laghzish men
parind shaḳh pe tanha udaas baiTha hai
uḌaan bhuul gaya muddaton ki bandish men
vo haath kya hue ta.amir ra.egan nikli
makan gir ga.e mausam ki pahli barish men
jo qatl-o-ḳhun ki andhi chali to thamti kya
sabhi sharik the basti ke log sazish men
kitab kholi to lafzon ke saath bahne lage
ajab tilism tha us shaḳhs ki nigarish men
Leave a Reply