Poet
zahir na tha nahin sahi lekin zuhur tha
kuchh kyuun na tha jahan men kuchh to zarur tha
mai ko mire surur se hasil surur tha
main tha nashe men chuur nasha mujh men chuur tha
kam-maya fard-e-jurm hai kya kahiye ai karim
ham se kami hui ye hamara qusur tha
le ja rahe hain dost mujhe aa raha hai dost
kya maut ko bhi aaj hi marna zarur tha
mulk-e-suḳhan har ahl-e-suḳhan ko hua nasib
‘natiq’ mire nasib men ye nagpur tha
Leave a Reply