miri maan ne mujh ko janam jab diya tha
main lashon ke ambar par ja gira tha
jahan par tumhari rida chhin ga.i thi
vahin par hamara bhi baazu kaTa tha
yahin par use jaan dene ki zid thi
yahin se vo parcham uTha.e chala tha
mujhe saat chehron ki surat mili thi
tazabzub men har ik mujhe dekhta tha
main logon ki is bhiiḌ men sochta huun
mira naam kya hai mira naam kya tha
Leave a Reply