Akbar Hyderabadi
aankh men aansu ka aur dil men lahu ka kaal hai
hai tamanna ka vahi jo zindagi ka haal hai
yuun dhuan dene laga hai jism aur jaan ka alaao
jaise rag rag men ravan ik atish-e-sayyal hai
phailte jaate hain dam-e-narasi ke daere
tere mere darmiyan kin hadson ka jaal hai
ghir gai hai do zamanon ki kashakash men hayat
ik taraf zanjir-e-mazi ek janib haal hai
hijr ki rahon se ‘akbar’ manzil-e-didar tak
yuun hai jaise darmiyan ik raushni ka saal hai
Leave a Reply