zahir men bhi kya kya parda-dari hai
duniya-dari purkari ayyari hai
paanv tale ḳhud-dari aur safar aage
ruk nahin sakte ham kaisi lachari hai
ek musalsal dauḌ men shamil ham bhi hain
shauq nahin ye ik zehni bimari hai
bad-e-muḳhalif puure zor se bahti jaa.e
us janib se bhi puuri tayyari hai
maazi men tum jiit ga.e mujh se ‘betab’
mustaqbil ki jang abhi tak jaari hai
Leave a Reply