Lafz To Banjh Hain

lafz to banjh hain jazbon ki qadr kya janen

zindagi baar chuke hon to qahr kya janen

apne maasum gulabon se hasin bachchon ki

ek khoi hui muskan pe kuchh likhna hai

un ki be-jan nigahon pe mujhe kahna hai

lafz to banjh hain qirtas ke aine hain

lafz ziist ka unvan hain sarmaya hain

phir bhi jazbat ke akkas nahin ho sakte

khauf ke shahr men ehsas nahin ho sakte

nauha-e-gham bhi to ehsas ki jaulani hai

haae ai dil ki yahan khauf ki virani hai

muntazir maan jo khadi hai ki bahut der hui

mere ghar-bar ki raunaq nahin aaya ab tak

lafz men DhunD rahi huun ki use kaise kahun

tera maasum shahidon men likha aaya

naam apna jo bahut pyaar se rakha tu ne

tuut kar duur kahin ja ke ki gira hai vo shajar

jis ko din-rat mohabbat se sanvara tu ne

lafz to banjh hain jazbat nahin kah sakte

vaqt ke vaar ko us paar nahin sah sakte

Leave a Comment