Samina Saqib
mujhe kahani ke kirdar se mohabbat thi
ki jis men saa.e ko divar se mohabbat thi
vo is liye bhi nahin chhoḌta tha saath mira
use bhi apne azadar se mohabbat thi
kuchh is liye bhi main sahra se aa ga.i jangal
miri sarisht men ashjar se mohabbat thi
aziz-tar mujhe chadar thi jis tarah apni
use bhi vaise hi dastar se mohabbat thi
gavahi denge sabhi us ki parsa.i ki
vo aam tha mujhe kirdar se mohabbat thi
main hijraton ki ‘samina’ huun is liye qaa.il
mire rafiq ko us paar se mohabbat thi
Leave a Reply