Poet
zabt se yuun bhi kaam liya hai
kanTon men aram liya hai
chahe jidhar le jaa.e mohabbat
ab to daman thaam liya hai
kaash vahi aram se rahta
jis ne mira aram liya hai
husn ne jab Thokar khaa.i hai
ishq ne baazu thaam liya hai
saaqi ka ehsan nahin ham par
ḳhuun diya hai jaam liya hai
Thokar khaa.i baḌh ga.e aage
nakami se kaam liya hai
husn-e-butan ko dekh ke ‘sharib’
ham ne ḳhuda ka naam liya hai
Leave a Reply