Taseer Jafry
zabt gar had se baḌha to zalzala bhi aa.ega
tere mere darmiyan phir fasla bhi aa.ega
aisa lagta hai ki ab to qafile ko luTne
rahzan bhi a.enge aur rahnuma bhi aa.ega
le ke ḳhali aankh ka mashkiza mat sahra men ja
is safar men tishnagi ka marhala bhi aa.ega
hijr ka mausam jab aa.ega tiri yaden liye
dil bhi taḌpega taḌapne ka maza bhi aa.ega
zulm agar jaari raha to dekhna phir ek din
ḳhuun uglegi zamin ye marhala bhi aa.ega
dekh ‘tasir’ us ke aane ke na itne ḳhvab dekh
aankh ke hisse men varna ratjaga bhi aa.ega
Leave a Reply