Poet
zabt-e-ulfat ka yahi ham ko sila mil jaa.e
dasht men aur koi abla-pa mil jaa.e
agahi aur ka.i naqsh bana sakti hai
tum jo insan ko DhunDo to ḳhuda mil jaa.e
yahi behtar hai ki ḳhud raah men gum ho jaa.en
is se pahle ki koi rah-numa mil jaa.e
aao zanjir ki jhankar pe ham raqs karen
kya ta.ajjub jo yunhi jins-e-vafa mil jaa.e
isi dhun men to ham avara phira karte hain
kahin shayad tire anchal ki hava mil jaa.e
ab tira dhyan hai yuun jaise andheri shab men
ittifaqan koi miTTi ka diya mil jaa.e
Leave a Reply