be-muravvat hain to vapas hi uTha le shab-o-roz
mujh ko bhate nahin ye tere nirale shab-o-roz
ek ummid ka taara hai sar-e-bam abhi
us ki kirnon se hi ham ne hain ujale shab-o-roz
jo tiri yaad ke saa.e men guzare ham ne
hain vahi ziist ke anmol havale shab-o-roz
dasht se ḳhaak uTha laaya tha ajdad ki main
ghar men rakkhe to hue chand ke haale shab-o-roz
dast-e-ḳhunin na kabhi vaqt uTha.e tujh par
hukm lamhon pe chala Dhaal bana le shab-o-roz
apne din-rat se mumkin hai kahan koi farar
dasht-e-vahshat men utar aur saja le shab-o-roz
Leave a Reply