Zabt-E-Nawak-E-Gham Se Baat Ban to Sakti Hai

zabt-e-nāvak-e-ġham se baat ban to saktī hai

aadmī kī uñglī meñ phāñs bhī khaTaktī hai

kyā kisī navāzish kī poll khol dī maiñ ne

aañkh jheñptī kyuuñ hai kyuuñ zabāñ bahaktī hai

ham-qafas nasīboñ se gulsitāñ kā kyā rishta

jis tarah koī Daalī TuuT kar laTaktī hai

sāthiyo thake-māñde hārte ho himmat kyuuñ

duur se koī manzil din meñ kab chamaktī hai

kaam azm-o-himmat se insirām paate haiñ

kāhilī kī mat suniye kāhilī to biktī hai

jis ko nik.hat-o-gul se vāsta nahīñ hotā

ḳhush-libās phūloñ meñ vo nazar bahaktī hai

‘shād’ in añdheroñ meñ kahkashāñ kī manzil se

raat ke guzarne kī sub.h raah taktī hai

Leave a Comment