Poet
mauj aa.e koi halqa-e-girdab ki surat
main ret pe huun mahi-e-be-ab ki surat
sadiyon se sarabon men ghira soch raha huun
ban jaa.e kahin sabza-e-shadab ki surat
asar nahin koi magar dil ko yaqin hai
ghar hoga kabhi vadi-e-mahtab ki surat
hai soch ka tesha to nikal aa.egi ik din
patthar ke hisaron men koi baab ki surat
pahchan mujhe bhi ki zamin shakl hai meri
main sindh ka chehra huun na punjab ki surat
Leave a Reply