jis din se haram ho gai hai
mai khuld-maqam ho gai hai
qaabu men hai un ke vasl ka din
jab aae hain shaam ho gai hai
uftad-e-chaman ye hai ki bulbul
khud hi tah-e-dam ho gai hai
tauba se ghati ye qadr-o-qimat
mai daam ke daam ho gai hai
aati hai qayamat us gali men
pamal khiram ho gai hai
tauba se hamari botal achchhi
jab tuuti hai jaam ho gai hai
kuchh zahr na thi sharab-e-angur
kya chiiz haram ho gai hai
lab tak jo kabhi na aae vo aah
unchi so baam ho gai hai
mai-nosh zarur hain vo na-ahl
jin par ye haram ho gai hai
bujh bujh ke jali thi qabr par shama
jal jal ke tamam ho gai hai
aa jaae use jo aae mujh tak
maut un ka payam ho gai hai
har baat men honth par hai dushnam
ab husn-e-kalam ho gai hai
sar kham hai haram men su-e-taiba
kuchh khu-e-salam ho gai hai
daulat dil ki buto hai mahfuz
allah ke naam ho gai hai
phir phir ke nazar hui hai sadqe
jam kar khat-e-jam ho gai hai
hai duur abhi ‘riyaz’ manzil
din khatm hai shaam ho gai hai
Leave a Reply