Imam Azam
kisi ki baat koi bad-guman na samjhega
zamin ka dard kabhi asman na samjhega
samundaron pe jo chalta raha hai be-maqsad
kahan hain paanv ke naqsh-o-nishan na samjhega
use junun hai lafzon se khelne ka bahut
hamari saada si lekin zaban na samjhega
ye sab hain ahl-e-siyasat inhi ki sazish hai
yahi hai sach jise saara jahan na samjhega
jo meri zahiri surat se kha raha hai fareb
yaqin janiye dard-e-nihan na samjhega
mata-e-lauh-o-qalam luTta raha hai jo
lahu-luhan hain kyuun ungliyan na samjhega
kamal-e-zabt ke ba-vasf koi bhi ‘azam’
ye kaise phaT gaya atish-fishan na samjhega
Leave a Reply