Poet
fasl-e-gul aa.i magar chak-gareban na hue
log the itne pareshan ki pareshan na hue
bas yuun hi baḌhti rahi baḌhti rahi tariki
aur kuchh sub.h ke asar numayan na hue
ham bhi avara hi phirte hain saba ki manind
ham bhi minnat-kash-e-arbab-e-gulistan na hue
teri avaz kisi ne na suni ho jaise
ham tiri bazm men jis din se ghazal-ḳhvan na hue
jis qadar aaj pareshan hai har ahl-e-nazar
is qadar to tire gesu bhi pareshan na hue
kab hua ham ko gham-e-tirah-shabi ai ‘nashtar’
un ki yadon ke diye kab sar-e-mizhgan na hue
Leave a Reply